Dear Koyang Ingo
Kabalen kung taga-Bamban, maswerti tamu pu at dakal la "talents" dening Bambanense at bisa no man pung mag-share keka tamu. Masaya ne pung pakilala kekayu ning website tamu ing bayung column a "Dear Koyang Ingo". Nung atin kong problema o nung mangailangan kayung advise tungkul keng almost anything, sumulat kayu pu kang Koyang Ingo. Parala yo pu kaya deng kutang yu tungkul keng aldo-aldo a bie-biayan, tungkul kareng sinta-sinta, relasyun yu kareng kaluguran yu keng bie, at aliwa pa. Dakal ya pu real life experiences i Koyang Ingo at down to earth yang talaga, inya nung atin makapag advise kekayu, yapin ya. Ing adwan mi pu sana ing eko paralang kalokwan a kutang kaya bang eta mipakarine kaya. Thank you pu kekayu.
Dr. Joyce
Koyang ingo,
Magandang araw po sa inyo.
Nakita ko po ang website na bambanense.com thru internet minsan pong ako'y nangtangka na hanapin ang aming nawawalang pinsan. Mahigit pong dalawang taon na ang nakalilipas ng huli namin makita ang pinsan namin na ito. Sa pamamagitan po sana ng column nyo na ito sa website ay matulungan nyo kami.
Below are the details about my missing cousin:
Name: Maritess "nene" Tabil
Age: 33 years old
Address: Pag-asa, Bamban, Tarlac
Currently, I don't have electronic file of her picture
but in case somebody knows her by name you can contact
me or send me email at the following email addresses:
an2nypatacsil@yahoo.com
or
an2ny_patacsil@yahoo.com.ph
You can reach me @ 0916-7121292, just send me messages.
Thank you and God bless you all.
Dear Anthony,
Ang "bambanense.com" website ay may Guestbook section na mas marami ang nagbibisita at nagbabasa sa visitors ng website. Ang recomendacion ko sa iyo ay ilagay mo ang informacion doon sa "Guestbook" para makita ng karamihan na bumabasa nito at baka may makakakilala sa pinsan mong nawawala. Limitado ng 500 na salita (words) and mailalagay mong informacion sa Guestbook pero palagay ko kasya na yon. Kung hindi naman, sumulat ka ng direcho sa "bambanense@yahoo.com" kung gusto mong ipakiusap na i-publish nila ang sulat mo.
Ano na ba ang nagawa ninyong iba sa paghahanap sa pinsan mo? Tinutulungan ba kayo ng policia ng bayan o ibang galamay ng gobierno? Ito ba ay na-ireport sa justicia noong unang bago pa lang nawawala? Ang mga kamaganak at kaibigan ng pinsan mo, ano ang alam nila. Ang palagay ko ay kung masabi mo ang ibang stituacion na alam mong uling nangyari or nangyayari sa pinsan mo bago siya nawala, baka makatulong makapagalaala sa mga taong kakilala o nakakita sa pinsan mo noong bago siya nawala.
Nakikiramay ako sa iyo sa bigat at pasakit nitong problema.
Koyang Ingo
P. S.
Here are some excerpts/additional info that are essentials that may help as provided to me by The Bambanense.com website:
Please add or mention when she disappeared, where she was last seen, what she was wearing, her latest photo or photos, any diseases or conditions that may possibly cause amnesia such as high blood pressure, Parkinson's, heart conditions. Did you already contact the hospitals in the area, especially the emergency rooms? The police in surrounding towns should also be notified. Posters with her photo should be circulated or maybe have some relative ask the local TV and radio stations for help.
Salamat po.
Koyang Ingo, buri cu mu pu sanang kutang kekayu makananu ku manakitan or mag work keng internet. Maratun naku mu pu kasi keng bale mi. Bisa kupung makasaup financial kahit ditak mu pu. Atin kayu pu bang balung real site na pwede ku pi pag work online? Dacal pung salamat. God bless you pu!
Mary
Dear Mary,
Masuerte tamu ngening panahon a kasalukuyan uli ning saup na ning Internet careng sabla. Ita mu pin ing informacion a bibie na ning Internet kerakalan macasulat keng lenguahing English.
Nung malyari munta ka keng "Google" at magimpisa ca queng "Work At Home". Dacal ing lunto sari saring klasing oportunidad pero ica namu ing mamili nung nanung isipan mung mas macatugma queng ambicion mu o abilidad mung mamie servicio para careng maging cliente mu. Halimbawa:
http://www.legit-work-at-home.com/
http://www.worldwideworkathome.com/
At dacal pang aliwa. Pakisabi ku mu mimingat ka sana kareng promocion a pota balasubas la intencion kaya icang bala nung nanu ing luluban mu keng gagawan mu. Nung e masala ing pamag intindi mu queng babasan mu o sasabian da, sumulat ka kareng maki website at kutang mu ing buri mung pa esplica.
Sana maging masigasig ca at mapibabatang gagamit at manintun informacion queng Internet. Mabilis miras queca ing informacion basta masipag cang manintun.
Koyang Ingo
Keng pung pamamasyal ku keng bambanense.com ikit ke pu ing kekayung kolumn. Maluat naku pung atin problema karening anak kong adwa. Ini pung atsi keng lugud na keng wali na e madadala, balu yu na po keni America nung bayu kang salta ala ka pang bale nepo? Ining atsi minuna yang dinatang keni America. Manupang yang one bdrm a malati. Atin pang bakanting metung a kwartu penupa ne (atsi ing mamayad). Anyang mikaobra ne ing wali, papamayaran na neng dili na. Ining atsi menakit yang tuknangan a malapit king obra na. Ining wali kailangan ne ing kotse at binie ne ning atsi ing kotseng gagamitan na king wali. Kundisyun na ya ing misundu king balance, registration.etc. Tinangu ya ing wali. Natural monthly atyu ya pa king atsi ing lagyu ning kotse at yang sisingilan da, pabaluan ne ing wali pibabalugbug naning wali, e mamayad pala pati registration, violation, etc. ena rin babayaran. Ngeni meragul ing utang ning atsi at mesira ya credit, pati sindo na asali na ene apa-refinance, sira ya record. Ngeni itang balance pabayad da ng monthly $250 angga king makompleto. O ing wali yang papamayaran ning atsi uling yang bale sinali kanita. Ining wali ala ya kanung pamayad ketang alagang ita. Masakit ne rugu panamdaman ining atsi tuloy frustrated ne atin ya pang panamdaman madalas yang susumbong na kanu ing wali na.
Ngeni Koyang Ingo makananu kaya ing gawan ku para makapamayad ne ining wali. Malulunus naku kening atsi dakal ne kapibabatan a dinanas kening wali na. Nanu na ngan ing gewa ng mayap kaya ngeni makanyan ya ing wali na. Mal ne man a sweldo ala ne man asawa o sese, mamayad yang kwarto, telepono, ampo mung pamangan na. Makananu ku kayang aparamdam kaya ing balikid na king sinaup kaya. Pane ke pung sasabianan aku pang kamuan na uling ya pa kanu ing kamuan ku. Kakampian ke kanu ing metung, at potang ing metung naman ing sabianan ku makanyan mu naman ing sabi na kaku. Ing pamangamanu ku karela ita sanang ela magka-grudge king metung at metung. Magkasakit naku pu anya manyawad ku sanang advise kekayu nung nanu ing masanting kung gawan para ining wali mamayad ne king atsi.
Lubus pung gagalang,
Mother of Two
Dear Mother of Two,
Dakila kayu pung pengari a malugud kareng anac yu. Keng pamanimbang cu, pareo ing lawe at lugud yu kareng adua yung anac. Masanting ing pamag lision yu at pamamilatan karela keng karelang kasalukuyan a situacion. Masakit ing cabilian yu at alang metung a siguradung solucion pero sumubuk tamung metung.
Makalunus ne man pu ing atsi keng maliliari. Dakal ne sacrficiong gewa para keng wali na. Ngening atin neng obra ing wali, yana sanang maging responsible para support nang totally ing bie na at sumaup ya kang atsi na para mabayad ngan ing utang a megawa para keng wali.
Ini pung tutuking sabian ku depende keng dacal a bage antimo nung ing wali maliari yang lumakad o mag bisekleta papunta keng obra na, at aliwa pa. Halimbawa, malyari yang magpublic transportation or maki car pool kareng aliwang tao para miras ya keng obra na? Malyaring ing wali magbakal niang pagtuan kesa keng sali ya keng obra na, malyari nang tuknang ing cigarilyo o beer at pamamasyal hangang ene ngan a bayaran ing utang na kang atsi na at aliwa pa?
Uling ing kotseng binie ning atsi keng wali ati ya pa keng lagyu ning atsi, malyari neng pisali o subli keng creditor ning kotse para milaco o mabawas ing monthly payment? Nung atin a sobrang pera, ibayad nala keng balance nang utang a aliwa.
Maragul pung gastos a alang cabaldugan ing mamayad minimum payments kareng credit cards. Nung malyari, bulan bulan dapat mabayad ya ing total balance bancanita ela mamayad upa kareng perang gagastusan da. Magastus ing manupang pera (finance charges). Kareng aliwang utang e credit card, nung malyari dagdagan ing bayad bulan bulan para mabawas yang mabilis itang principal balance.
Ecu ngan pu a talastas ing dapat maliari, pero nung misan ing lugud ning metung a pengari kareng anac masakit timbangan. Itamu ngan atin tamung sariling principio a ustu kekatamu para keng pamiisip isip tamu.
Ing keraklan hangarin tamu ing deng anac makapagaral la, mika obra lang masalese depende keng abilidad da at maging responsible lang citizen ning community at bansa. Nung misan pu deng aliwang anac ati no keng edad magdepende la pa kareng aliwa antimo kareng pengari at kapatad. Dapat dalan da ing sarili ra at mag plano la keng kebukasan da para keng familya.
Nu pung a sopan yula deng adua para mu makapag impisa lang malinis, maragul a bage keng situacion da, pero, dapat balu ra ing ilang responsable keng bie ra. Ing buri kung akit keng wali ing manintun yang pangaduang obra o magovertime ya keng obra na para makabayad ya kareng utang na at mibawi ya at maka tipon ya keng situacion na tungkul keng pera. Nung ala ya pung sakit ing wali, agiang aduang additional part time a obra agyu na. Ing obra dakal a makabiasa kareng anac nung maasikasu la at mapagmasid la keng gagawan da ampong gagawan da deng aliwang tao.
Ing pakiramdam ku pu quecayu balu yu na iting kerakalan pero nung misan uli ning lugud yu kareng anac malyaring mapipigil kayung magdisposicion. Mas masanting na ing gumastus kang maragul ngeni kesa keng mas maragul ing magastus mu nung manaya ka uling ing panahon mahalaga emu keng pera.
Ikayu na sana pung manimbang nung nanung makasaup careng adua yung anac lalung lalu na ing wali keng responsible nang ugali. Sinira ne credito y atsi na, maragul a makabayat keng bie ita. Sana sopan ne ning kayang consciensiya at pakit na ing talagang agyu nang ipalto ing masanting nang pangatao. Agyu napu ning wali at caluguran ne y atsi na. Kailangan ya mung buklat a isip at mata.
Koyang Ingo
Read all the Dear Koyang Ingo Archives>>>
